س - أنا مخلص دبلوم ينفع أقدم في المعهد ؟

ج - طبعاً المعهد بيقبل الحاصلين علي الثانوية الأزهرية والدبلومات الفنية ومايعادلها - تجاري - صناعي - زراعي - فندقي - مهني

س - بس أنا مجموعي قليل ياتري هتقبلوني ؟

ج - طبعاً المعهد يقبل الحاصلين علي مجموع 50% فأكثر

س - المعهد خرج كام دفعة ؟

ج - يفتخر المعهد الأكاديمي بأنه خرج ثلاث دفعات وأنت الدفعة الرابعة

س - ياتري الدراسة في المعهد كام سنة ؟

ج - الدراسة في المعهد سنتان على 4 ترمات دراسية

س - لما خلص هيشغلني أيه ؟

ج - المعهد هيخرجك متخصص في قواعد البيانات وتشتغل في البرمجة أو يخرجك متخصص في الشبكات وتشتغل في الدعم الفني أو يخرجك متخصص في الجرافيكس وتشتغل مصمم جرافيكس أو يخرجك متخصص في تصميم مواقع الأنترنت وتشتغل مصمم مواقع أنترنت

س - لو كنت بشتغل ينفع أكمل تعليمي ؟

ج - طبعاً المعهد فيه نظامين للدراسة منهم نظام لما بتكون بتشتغل

س - ممكن أتعفي من المصاريف ؟

ج - طبعاً المعهد بيعفي الثلاثة طلاب الأوائل من المصاريف يعني الأول إعفاء 100% والثاني 50% والثالث 25% من المصاريف

س - هو نظام الدراسة أيه ؟

ج - المعهد يعتمد في دراسته على نظام تدريس الساعات الأمريكي بمعني أن 70% من عدد ساعات الدراسة عملي علي أجهزة الكمبيوتر والـ 30% نظري

س - أيه ده هو كله دراسة دراسة مفيش ترفيه ؟

ج- لا طبعاً المعهد فيه أنشطة كثيرة من ندوات ثقافية وندوات علمية ده غير دورى المعاهد وحفلات التفوق ده غير الرحلات اللى المعهد بيطلعها كل سنة

س - ممكن أقعد مع أصحابي بين المحاضرات ؟

ج - علي فكرة المعهد فيه كافيتريا بتقدم جميع أنواع المشروبات والمأكولات

س - طيب المعهد بيقدم أيه للطلبة الأوائل ؟

ج - المعهد بيعين العشرة الأوائل

س - طيب المصروفات الدراسية كام ؟

ج - المعهد بيقدملك أنظمة كثيرة لسداد المصروفات مش موجودة في أي معهد تاني وأسأل وأتأكد دة غير إن المعهد بيقدملك خدمات كثييييييير مثالاً بريد ألكتروني لكل طالب علشان تراسل أصحابك وتتابع محاضرتك وكمان كشف طبي دوري

ولو عايز تستفسر عن أي معلومة أخري إتصل بنا وتعالي زور المعهد

وعيش معانا يوم من أيامنا